| M | T | W | T | F | S | S |
|---|---|---|---|---|---|---|
| « Dec | ||||||
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | |||||
thanks You sure do know what your’e talking about. Man, this blog is just great! I cant wait to read more of what youv’e got to say. Im really happy that I came across this when I did because I was really starting
mano bobot! ok karajaw welcome kaw. way kumo kun taga sa pasay o hain, basta an imo pagka interesado sa grupo sanan sa pagtabang sa isig ka membro jaon, welcome karajaw. apiki lam sa isa ka membro.
Uman puede mangutana dizo? bisan kon zari ra ako sa Cantilan kay lagi waya man ako diton kuman sa PASAY puede moentra sa PASTILAN?
@jovelyn sarim, mariz. basin maka attend kaw kuman na party sabado dec 12. bisan sin-o na membro nan pastilan didto apikiha ra lamang or hanap si davao o tantoy. welcome kamo karajaw.
@kigoy. kun wayay imo marajaw na mahi ambag dinhi ya man sab kami mag lugos sa imo
o kun may imo kahimongot sa pastilan taglaong pa “paghunong rakan, ya man kaw siguro kasagad”. jaon mga tawo na nangatend nan kada party ya man sila namo pugsa. ini party dili raman ini kun uyag2x, bayong2x. ini na kalihukan numero 1 gajud na purpose an pag kurok sa mga taga ccmcl na jaon sa manila, mag kinumustahay. jadtoy mga bag-ong sampa sa manila ingka tabangan isab. pero kigoy welcome kaw gihapon kada party. hala, kuyang ra iton nan tagay.
marajaw na adlaw! intrisado kami nan batch ko sa cantilan national high school na ini nganhi manila magpamembro kami. upat kami. jarson vidal.remelyn luarez, jenilyn luarez. palihug pagsend sa ak email kun pila registration ug hain ijo office. salamat karajw. MAY GOD BLESS US ALWAYS!!!
marajaw na adlaw dijo tanan! jaoy nasab amo tagkasabutan na party koman omaabot na dec.12, 2009. . PASTILAN
pastilan,. ,party nasab
kabibo baja adto, sayang! sige sa sunod mag pa membro ako. Ganing sab untana kon jaoy ato mga tabang para sa mga taga ato na nanginahanglan nan tabang labi na sa pag edukar nan ato mga kabataan. kay jaon intawon mga way kwarta para sa ila pag eskoyla. Sana isa pa jaoy mga panhitabo sa ato na poydi nato tagaan nan interes labi na jaon mining na tag plano na ibutang. Hinaut na manlimbasog sab ta na madungog nan tanan an ato posisyon sa issue na ini. Pag istoryahan nato ini tapos mag issue ta nan ato desisyon kon motugot ta na butangan nan mining o dili. an ato boses importante karajaw. PASTILAN! MAG ONO NA AN ATO MGA UMAABOT NA HENERASYON, MGA APO KON MAWAYA NA AN KARAJAW NAN KAHIMTANG NAN ATO CANTILAN. SALAMT KARAJAW!
Pagtoo nan ijo mga ginikanan didto sa ilaja na nangapply kamo trabaho, aja ra baja kamo party party diton sanan uyag uyag, an ijo kigoy…
pastilan means??
pastilan means?
nice…. mabibo na syte. dabo na miris miris.., gud luck
PASTILAN Heart Attack! 2nd Valentines Party. Sa mga malas sa gugma, hanapa diri na duyom an swerte. ENTRANCE: P100 w/ free 1bottle beer. Feb.14,’09 8PM at the Boys Scout Hall, Aroceros St., Beside SM City Manila.
Our deepest condolences to the Irriberi family from pastilan.
naninang na! ikaw galing ini kitams, jawards ray umaabot na patipan…malabad iton..kitams ta ra..
Pagbaloran ni Mr. Dino Eleazar mag diskorso…bagan ako na nalantaw an ija kaugama-on ( it runs in the blood?)…hehehe..keep up the good work dino..eleazarians are proud of you! mabuhay pastilan!
Pagkabibo pagkaganing pagkadabo na ni attend…MABUHAY AN PASTILAN!!!
Marajaw na adlaw dijo tanan! Sa mga bisita nato, marajaw na pag abot dijo. Paabot ta na sab sa ato mga plano na mga kalihukan kuman. Tana ato na gajud mahi-abot sa ato lugar an ato mga plano na maka tabang ta. basta way bijaay pastilan! Salamat karajaw balik2x.
dan, musta na? jari niuli ako..oo sa december nasab siguro ini puhon an party or basin mag pista sab sa dungan nan pista sa cantilan, hehe, mag bas-oy..aw oo, magpa kasal naman kaw lagi kuno pag uli..hehe..ajaw kalimti an ak role ho..
hi din..musta naman kaw..ay laman ka aya gjud dri kalaway ton basoy na recipe..matay yay karabao gjud..uman jaoi ijo party this comming december…mo intra ako..si dana ini..hehheheeh aruy ulit tkaw sa ak lomon…hahahhha see usoon mag tagay ta anay gamay ho..hehehe regards keep up the good work
FY 2008
Engr. "Ed" Y. Palang
Chairman
Atty. "Dan" E. Tan
Vice Chairman
Secretariat
"Dino" Eleazar - CM
"Boting" Doloriel
Treas. / Ways & Means
"Choy" Acuña - CM
"Tantoy" Bendoy
Rules & Ethics
"Loloy" Cuaton - CM
"Haze"Cuartero
Entertainment
"Dong" Naragas - CM
"Kitam" Huerta
Food & Beverage
"Davao" Sunico - CM
"Tomas" Grumo
"Bigboy" Arones
Marshalls
"Ebet" Suazo - CM
"Tokan" Castañares
"Gary" Surat
"Dan" Buñiel
"Totong" Arjona
Magtinabangay ta, para sa ato ini tanan.
Uman PASTILAN man?
PASTILAN -ipa bundak! PASTILAN!
kun buyagon, PAS-TILAN.
Nabugna na grupo sa PASAY CITY na kasagaran taga CANTILAN an membro. Hangtud nagkadugay nagka hamok an membro apil na taga Carrascal, Madrid, Carmen, Lanuza.
Magka-uno uno, magka-lisod lisod. Pastilan di kaw bijaan!
want to become a member?
apiki ra lamang sa isa ka pastilanon.
list of CURRENT MEMBERS
as of February 2009
Alfonso "Boy" Iriberri
"Don-don" Bucsit
Manuel Yparraguirre
Antonio Rosit
Rex Alaric Eleazar
Salamat karajaw...Pastilan! Suklian nato iton gikan sa kinasing kasing na pag serbisyo ni pastilan.
>>Nag share si Atty kads ija experience working as a Security guard sa isa ka kompanya.Sa ila kompanya may insidente nan kawat2x. Nawad-an sila nan battery kuno, tagkawat. Sija sanan ija ka relebo nag himo nan report bahin sa nahitabo.
Atty Kads: Matay pare, sa nahitabo na ingka kawatan ta, paniid ko INSIDE JOB ini.
>>Nitubag an ija ka relebo na kababayan pa sab na former SK Chairman.
Ka relebo: Amoba!? para sa ako pre, UPPERCUT ini. Ayay kaw kadyo, pag tarong didon.
>>Si Atty kads nag isip anay uno uppercut an tubag nan ija iban. Ambaja nadtou na boxing an istorya ni Atty. Ninang na!
Atty.Kads: Sus, uno kaw iton na SK Chairman, ya kaw kahibayo nan INSIDE JOB?
>>Intawon nag hilom rakan ija kaiban
-----------------
Jari ambag ni rodol na joke pero tinuod na panhitabo sa cantilan.
dol: hala umay eninglish nan nokos?
(pina gisnga na tubag)
tong: octopus man.
(pina simply sab na tubag nan isa)
long: kay labasera man nanay niiim.
-----------------
kun jaoy ijo gusto idugang,e email ra lamang sa
Sa ijo mga pangutana, ijo gusto e ambag, kun jaoy ijo tag hanap na tawo, pahibay-a lam kami tru sa email nato na:
or bisitahi ato friendster account
Annual Pastilan Christmas Party
PASTILAN invites U,NOBODY but U and all CarCanMadCarLanon to a Christmas Party Double up! Saturday, December 12, 2009, 8pm. Free Entrance
Venue; Opisina ni TITA Connie Dy. Elevation building. 40 dominguez st. Malibay, Pasay City. At the bak of T.Paez elementary school. suyod sa rodriguez st.along edsa nouthbound 200mtrs from MRT taft station in front of cathay builders building. pls contact mr.ben tantoy pag ya kamo maka matok.
Salamat sa ijo tanan! Sa tanan nag attend sa niagi na 2nd Valentines Party, February 14, 2009 sa Boys Scout Hall.
Hapit 150 an attendance sa niagi na party. Sa entrance na 100 pesos may libre na 1bottle beer or softdrink. Salamat karajaw, jaon entrance na ijo tag bayran nahimo na jaon na donation nijo.
Salamat sa tanan bisita dili ra kun Carcanmadcarlanons kundi may isab nangatend na mga taga Bislig sanan San Agustin. Bilib sila sa ato pastilan.
Sa duha ka pares na napili sa Search for PomPom and PemPem of the night. Salamat sa ijo kooperasyon. Nagka bibo gihapon kita. Nagka bayle gihapon kamo, nagka himamat.
Kan Glenn Prado na pastilanon sab, salamat sa imo mensahe. Na imo tagsulti sa mga CCMCLanon dinhi kun uno nay wayong o unoy tinoud na panhitabo sa ato kuman. Hala lam glenn, jaon kami sa im likod, di ta magpa bulag2x sa mga panhitabo gajud sa ato bisan malajo ta. Paigoan ta maka tabang didto.
Kan Mr.Eduardo doods Miranda, President nan CCMCL-Manila, na bagan way pag lubad an suporta sa pastilan. Salamat sab karajaw sa imo mensahe sanan presensya didto.
Sa ijo tanan, Samalat karajaw!
MORE PICTURES HERE>>> Pastilan@Friendster.com
2nd Pastilan Christmas Party
Salamat dijo tanan! Sa tanan nanunga nan niagi na sabado, December 13, 2008, didto sa Boys Scout hall tapad nan SM City Manila. Same as dati laong pa nila, mahamok gihap nangatend. 150 ka ingkuran an nagamit hurot, intawon sa mga ulihi nangabot, ingka-paigoan gihapon nan mga ingkuran pero sa gawas na. Bana-bana gihapon abot 200 ka tawo, 95% CarCanMadCarLanons, 5% laong pa nila lain na lahi.
Nagsugod an programa mga 10pm na, as usual amo may gajud ig hamok nan tawo jaon na mga orasa. Hosted by Mr. Ariel Naragas. Tagsugdan sa prayer ni Mr. Glenn Prado, sundan dajun sa Opening remarks ni Mr. Dino Eleazar, Secretary nan Pastilan. In behalf sa officers and members nan Pastilan, si Dino an nag opening since mag elect na isab an Pastilan sa mga bag-o na opisyal sanan puhon sa Valentines party na sab mag oath taking. Sunod na sab dajun nag hatag nan ija mensahe si Mr. Eduardo “doods” Miranda, CCMCL-Manila President. Nisunod isab sa ija si Mr. Lolong Buniel nan CCMCL Cavite Chapter, nangimbitar para sa ila isab party. Pagka tapos sa ila, timeout anay daw laong pa nila, tukar maestro, bayle anay para sa tanan.
Pagkatapos nan 3 ka sonata, katornohan na sab ni SSUPT. Allan S. Iral, BJMP maghawid microphone. Sija an guest speaker sa party. Ija tag istorya an ija kaagi, sugod nan pag tudlo pa sa SSIT-SSPSC hangtud sa pagka kuman na puhon motaas pa an ranggo. Ija sab tag sulti an ija interes sa modawat sa position na mosunod na Chairman nan Pastilan, puhon sir.
Pagkatapos nan mensahe nan guest speaker, medyo ma haba-haba sab kay detalyado man gajud ija pag share sab sa ija mga kaagi, na way imposible (sa ija posisyon kuman) kun maningkamot lam.
Rakrakan na dajun. Bayle bayle para sa tanan hangtud kaadlawon na. Nahimo na an bayle, amora gajud nan jaon kaw sab sa ato ilaja namayle. Syempre di man gajud malikajan jaoy mag donar sanan dili magpa sagol mag sajaw. Tag sugdan anay sa pag rollcall nan mga nangatend, gikan sa Carrascal, Cantilan, Madrid, Carmen sanan Lanuza. Sa kada lungsod, taghatagan sila nan higayon na mosajaw iban sa ila silingan sa lungsod apil na isab an ila tag hatag na donasyon. Sa tanan nanajaw, salamat dijo. Sundan na sab dajun an mga indibidwal na donasyon. Salamat dijo tanan.
Sa pagtapos, sobra 60 ka case na beer an nahurot, Pastilan! Hamok gihap kargado na pero yay gajud gubot kalouy sa diyos. Hamok nagkalipay, hamok nalingaw. Sa ijo tanan, salamat karajaw. Sa sunod na sab na kalihukan, tana jaon ra kamo pirmi kun uno may mga plano pa nan Pastilan, dili ra kun sa kada party kundi gawas sa party labi na sa ato tag gikanan na lungsod, ipa abot nato ato pag serbisyo didto.
Check na! Sa ijo donasyon, Sa ijo suporta…Salamat karajaw dijo tanan.
SSUP Allan S. Iral
Virginia Beach Travel and Tours
Mr. Tomas Guazon
BATCH 79
see more pictures here: http://profiles.friendster.com/58685898 or pastilan friendster
Uno na?!?
Madugay dugay naman gajud anhi wayay balita, way na post dinhi. Umay latest na?
Hala sug-dan ta dinhi. Nan niagi matud na domingo nagpa tawag nan meeting sa headquarters. Medyo di gajud kun amoy hamok an nanunga pero sakto na gihapon an bilang para kasug-dan an pulong.
Una na agenda an update sa ato pondo. Sa pagka kuman matud sobra P23,000 an ato kwarta. Tagka sabotan sab na total ya pa may kagamitan nan kwarta, nan April 2008, kay waya man lagi madajun an paduwa na basketball o UNITY CUP. Tagpa tanto sa mga membro an kwarta o tagpa utang. With 2,000 pesos as limit sa mangutang na membro sanan may 4 percent sab na interes kada buyan. Bale 16,000 pesos gihapon napa utang. So dako-dako na sab an tubo na ato masukot nan ini.
Ika duha na agenda an pag elect sa mga bag-o na officers para sa tuig 2008. Sa mga officers nan niagi na tuig, may iban siguro na amora gihapon an position. So sa umaabot na Christmas party, e dungan na sab an oath taking haud ra gihap nan sauna.
Ika tuyo na tag istoryahan an mga plano nan niagi na waya madajun. Basin kuman Decembre kun maka uli an kadaghanan sa Pastilan sa ato uno pa gajud na di nato mahimo jaon diba? Serbisyo Publiko anay sa ato diba?
Nahala amora adto. Sa sunod na isab. mag update ta ra pastilan.
Pastilan! Hain na kaw? Kamusta na? Umay balita?
Kamusta dijo tanan mga silingan? Medyo dugay-dugay na sab anhi ya na anay maka post diri nan latest sa kahanginan gikan kan Pastilan. Bagan kataposan post nan summer pa.
Sayang matud karajaw an jadto plano na paduwa tana nan Pastilan nan niagi na summer Abril hangtud Mayo na buyana na ya madajun. Mabulahan si Pastilanon na sugod pagka bugna nan jadto na plano na mag summer sportsfest, kay lagi dugay-dugay naman sab gajud na wayay kalihukan dinhi sa Metro Manila nan taga ato, dabo karajaw an nag bosina sa nagka lain-lain na grupo o lugar dinhi sa Manila kun diin nag tipon-ok an kadaghanan nan taga ato na moapil gajud sila sa paduwa. Ngani an iban ready na an ila uniform.
Pero sa pagpaningkamut gajud ni Pastilan na madajun jadto na kalihukan. Gikan sa paghanap nan pondo sugod nan desember 2007 hangtud sa party nan Pebrero hangtud pa gajud sa mga way hunong an pag suporta sa Pastilan pinaagi sa ila mga kinasing-kasing na donasyon. Kami sa Pastilan, kita, Mapasalamaton gajud sa pag dawat sa ijo gamay na tabang para sa ato.
Hangtud na niabot ra gajud an na nahutdan na intawon si Pastilan nan panahon sa pag preparar nan jaon na kalihukan, sa ya palandunga, ya rakan gajud madajun an paduwa intawon. Lang-on ta medyo naka tipon-tipon na sab sija nan pondo, an mga lugar na dapat amoy duwaan, iton raman tana, pero intawon ya gajud makaya ni Pastilan, sa shortcut na istorya, di pa man baja maka afford si pastilan. Ka hajab baja sa ila ‘rate per hour’ nan plitehan tana.
Pero hala rakan lamang, unhon ta man gajud. Hamok na sab nagkabiro na kasayang way kalingawan na sab an taga ato dinhi sa Manila. Chance na tana na sa title pa daan nan paduwa “UNITY CUP”, sa pila ka tuig, magka kita kita na sab ta.
Pastilan! kay jaoy may lagi at batasan na di gihap wad-an nan paglaum, molaong ra na “hala rakan lam, sa sunod rakan dabo pay bitaw panahon.”
Mag esep-esep na sab ta anay, unoy marajaw na plano sanan kalihukan na makatabang karajaw sa mga taga ato na ini dinhi sa Manila sanan balik didto sa ato tag gikanan.
Sa sunod balita Pastilan!
Mga Sagol:
1 kilo karne nan karabaw (hiwaa sa im gusto na kadako, baga bakoy puyde na)
2 cups dugo nan karabaw (puyde sab dugo nan baboy kun way karabaw)
1/4 kilo nan Repolyo
1 pc Atsal, Tangyad, Garabo, Ahos, Bombay, Luj-a, Dahon nan sibuyas
Unhon pagluto:
e marinate an karne nan karabaw sa tuyo, suka, kalamansi, mga 10-15 mins.
gisaha na dajun an ahos, sibuyas. taud-taud isunod an karne na minarenate mga 25-30 mins.
follow-up dajun pag sagol nan garabo sanan tangyad.
butangi dajun nan tubig (ikaw punto bagan-o kahamok). Huyati magsobo mga 5-10mins nan ibutang an hinawa na gagmay na repolyo. note: una ra mahurot an sabaw kaysa sa karne so paigo-a mahamok hamok bawion ra pag timpla sa lami.
timtimi na dajun kun ok an lami, dugangi nan asin kun tab-ang.
taud2x payunga an kyajo dajun nan ibutang an atsal sanan dahon nan sibuyas mga 5mins.
hala, rambol na. paghinay kun way imo hikit-an na aso sa sabaw kay maka tiskog nan dila.
