PASTILAN, is a non-profit organization composed of members from the neighboring towns of Carrascal, Cantilan, Madrid, Carmen & Lanuza, province of Surigao del Sur, CARAGA region who are now residing or working in Metro Manila. With office address at 2622 Dimasalang Street, Pasay City. Its mission is to foster the spirit of goodwill and brotherhood among its members.

Tinagajay ta kuman...Tinabangay ta silom!

WE'RE BROTHERS FOREVER!

Home » Archives » 23. February 2008

Early Morning Session and Late Night Ritual sa ato barko. Barko nan tanan.

February 23, 2008

             Sajo sa buntag, man mata na kami. mag sag-ob tubig sa ubos, mamilo nan hinigdaan, mag lampaso, an mo duty sa trabaho mag-una na. An iban nag digamo na nan pamahawon, an isa tagsugo nagpalit jaman para sa kinilaw, an isa nagpa-igo nan garabo sa bas-oy sanan an isa nag hanap nan tangyad sa tinuya. An iban nag hapla ra naghuyat nan tawag pamahaw.

Hala mangaon na kita. Jaon nay amo kinilaw, tinuya, bas-oy. Pangabusog, ija ija buyag sa lamisa, an mabilin man hugas.

 

              Pagka duyom, gikan sa mga tagsa tagsa ka panaw, nagkita kita na sab kami. Isturyahay nan mga nahimo sa kuman na adlaw. Bayos bayos isturya sa mga na agihan, unoy nahitabo sa ila panaw. an isa molaong “Ok na an ako application, US Visa rakan” an isa “Ay ay di nako mobalik, ka koti kotihon na mag interbyohay”, an isa, “Larga nako sunod buyan”, an isa pa “Ay-ay, imbis daug na, ingka baslan pa gajud”. Mintras nag isturyahay, naka order ra gajud kan andoy nan pan inom lamang, para dili ma aya mag isturyahay.

Pagka abot na nan katuygonon, ija ija na sab hapla sa banig. An ya pa hupasi nan kabusog, namanaw kay mangita sila adto sa atbang nan tyanggehan. An iban adto pa check attendance kan sir patrick complexor. Abtan sila nan kaadlawon na, manguli may nay sab ila daya na bas-ojonon. Man mata na sab kami pag abot nila diri mag luto na isab.

Sa barko, welcome kamo tanan. Gikan sa ato, way kapanikan. Pagpa kilaya lamang kanin-o kaw bata, sin-oy lolo mo. Hala dajun! Kun magka lisod, dyagan ka madam pepot, kay 24hours an banking service. Ajaw na kan doctor kay malisod na. Kun gutomon way masud-an, hala kay jatoy bihag na tagpa abot, isahay manok pa ni pacquiao, basin kalikitan ta. Kun jaoy mag sumbag dimo sa ubos o sa unahan kanto, hala, panik lamang, tago sa kwarto.

Sa barko, isa ra an amo kinabuhi. One for all. May problema an isa, problema nan tanan. Tag gutom an isa, tag gutom an tanan. Tag-uhaw kaw, pa lista lamang ka mang kiko, c/o pepot. Kun madajun kaw sa imo byahe, hala ayo-ayo, ajaw ka amnesia kun maka larga na. Para sa tanan. Pastilan!

A tribute to anhin “ADOL LORIA”.

by Mr. Ben

Posted by pastilan at 4:51 pm | permalink | Add comment