| M | T | W | T | F | S | S |
|---|---|---|---|---|---|---|
| « Dec | ||||||
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | |||
Uman puede mangutana dizo? bisan kon zari ra ako sa Cantilan kay lagi waya man ako diton kuman sa PASAY puede moentra sa PASTILAN?
@jovelyn sarim, mariz. basin maka attend kaw kuman na party sabado dec 12. bisan sin-o na membro nan pastilan didto apikiha ra lamang or hanap si davao o tantoy. welcome kamo karajaw.
@kigoy. kun wayay imo marajaw na mahi ambag dinhi ya man sab kami mag lugos sa imo
o kun may imo kahimongot sa pastilan taglaong pa “paghunong rakan, ya man kaw siguro kasagad”. jaon mga tawo na nangatend nan kada party ya man sila namo pugsa. ini party dili raman ini kun uyag2x, bayong2x. ini na kalihukan numero 1 gajud na purpose an pag kurok sa mga taga ccmcl na jaon sa manila, mag kinumustahay. jadtoy mga bag-ong sampa sa manila ingka tabangan isab. pero kigoy welcome kaw gihapon kada party. hala, kuyang ra iton nan tagay.
marajaw na adlaw! intrisado kami nan batch ko sa cantilan national high school na ini nganhi manila magpamembro kami. upat kami. jarson vidal.remelyn luarez, jenilyn luarez. palihug pagsend sa ak email kun pila registration ug hain ijo office. salamat karajw. MAY GOD BLESS US ALWAYS!!!
marajaw na adlaw dijo tanan! jaoy nasab amo tagkasabutan na party koman omaabot na dec.12, 2009. . PASTILAN
pastilan,. ,party nasab
kabibo baja adto, sayang! sige sa sunod mag pa membro ako. Ganing sab untana kon jaoy ato mga tabang para sa mga taga ato na nanginahanglan nan tabang labi na sa pag edukar nan ato mga kabataan. kay jaon intawon mga way kwarta para sa ila pag eskoyla. Sana isa pa jaoy mga panhitabo sa ato na poydi nato tagaan nan interes labi na jaon mining na tag plano na ibutang. Hinaut na manlimbasog sab ta na madungog nan tanan an ato posisyon sa issue na ini. Pag istoryahan nato ini tapos mag issue ta nan ato desisyon kon motugot ta na butangan nan mining o dili. an ato boses importante karajaw. PASTILAN! MAG ONO NA AN ATO MGA UMAABOT NA HENERASYON, MGA APO KON MAWAYA NA AN KARAJAW NAN KAHIMTANG NAN ATO CANTILAN. SALAMT KARAJAW!
Pagtoo nan ijo mga ginikanan didto sa ilaja na nangapply kamo trabaho, aja ra baja kamo party party diton sanan uyag uyag, an ijo kigoy…
pastilan means??
pastilan means?
nice…. mabibo na syte. dabo na miris miris.., gud luck
PASTILAN Heart Attack! 2nd Valentines Party. Sa mga malas sa gugma, hanapa diri na duyom an swerte. ENTRANCE: P100 w/ free 1bottle beer. Feb.14,’09 8PM at the Boys Scout Hall, Aroceros St., Beside SM City Manila.
Our deepest condolences to the Irriberi family from pastilan.
naninang na! ikaw galing ini kitams, jawards ray umaabot na patipan…malabad iton..kitams ta ra..
Pagbaloran ni Mr. Dino Eleazar mag diskorso…bagan ako na nalantaw an ija kaugama-on ( it runs in the blood?)…hehehe..keep up the good work dino..eleazarians are proud of you! mabuhay pastilan!
Pagkabibo pagkaganing pagkadabo na ni attend…MABUHAY AN PASTILAN!!!
Marajaw na adlaw dijo tanan! Sa mga bisita nato, marajaw na pag abot dijo. Paabot ta na sab sa ato mga plano na mga kalihukan kuman. Tana ato na gajud mahi-abot sa ato lugar an ato mga plano na maka tabang ta. basta way bijaay pastilan! Salamat karajaw balik2x.
dan, musta na? jari niuli ako..oo sa december nasab siguro ini puhon an party or basin mag pista sab sa dungan nan pista sa cantilan, hehe, mag bas-oy..aw oo, magpa kasal naman kaw lagi kuno pag uli..hehe..ajaw kalimti an ak role ho..
hi din..musta naman kaw..ay laman ka aya gjud dri kalaway ton basoy na recipe..matay yay karabao gjud..uman jaoi ijo party this comming december…mo intra ako..si dana ini..hehheheeh aruy ulit tkaw sa ak lomon…hahahhha see usoon mag tagay ta anay gamay ho..hehehe regards keep up the good work
musta naman? mga alumni nan CHS-CANSAT-SSIT-SSPSC magbatch ta dijo sa ini na site http://sspscan.ning.com kitakits rakan didto. matsalams daan
ay-ay langga.. pagkalami lam aton.. pagkapalangga mo isab butchoy.. pagkalami lam adun im tagbati.. hehehe belated hapi bday isab dim..
FY 2008
Engr. "Ed" Y. Palang
Chairman
Atty. "Dan" E. Tan
Vice Chairman
Secretariat
"Dino" Eleazar - CM
"Boting" Doloriel
Treas. / Ways & Means
"Choy" Acuña - CM
"Tantoy" Bendoy
Rules & Ethics
"Loloy" Cuaton - CM
"Haze"Cuartero
Entertainment
"Dong" Naragas - CM
"Kitam" Huerta
Food & Beverage
"Davao" Sunico - CM
"Tomas" Grumo
"Bigboy" Arones
Marshalls
"Ebet" Suazo - CM
"Tokan" Castañares
"Gary" Surat
"Dan" Buñiel
"Totong" Arjona
Magtinabangay ta, para sa ato ini tanan.
Uman PASTILAN man?
PASTILAN -ipa bundak! PASTILAN!
kun buyagon, PAS-TILAN.
Nabugna na grupo sa PASAY CITY na kasagaran taga CANTILAN an membro. Hangtud nagkadugay nagka hamok an membro apil na taga Carrascal, Madrid, Carmen, Lanuza.
Magka-uno uno, magka-lisod lisod. Pastilan di kaw bijaan!
want to become a member?
apiki ra lamang sa isa ka pastilanon.
list of CURRENT MEMBERS
as of February 2009
Alfonso "Boy" Iriberri
"Don-don" Bucsit
Manuel Yparraguirre
Antonio Rosit
Rex Alaric Eleazar
Salamat karajaw...Pastilan! Suklian nato iton gikan sa kinasing kasing na pag serbisyo ni pastilan.
>>Nag share si Atty kads ija experience working as a Security guard sa isa ka kompanya.Sa ila kompanya may insidente nan kawat2x. Nawad-an sila nan battery kuno, tagkawat. Sija sanan ija ka relebo nag himo nan report bahin sa nahitabo.
Atty Kads: Matay pare, sa nahitabo na ingka kawatan ta, paniid ko INSIDE JOB ini.
>>Nitubag an ija ka relebo na kababayan pa sab na former SK Chairman.
Ka relebo: Amoba!? para sa ako pre, UPPERCUT ini. Ayay kaw kadyo, pag tarong didon.
>>Si Atty kads nag isip anay uno uppercut an tubag nan ija iban. Ambaja nadtou na boxing an istorya ni Atty. Ninang na!
Atty.Kads: Sus, uno kaw iton na SK Chairman, ya kaw kahibayo nan INSIDE JOB?
>>Intawon nag hilom rakan ija kaiban
-----------------
Jari ambag ni rodol na joke pero tinuod na panhitabo sa cantilan.
dol: hala umay eninglish nan nokos?
(pina gisnga na tubag)
tong: octopus man.
(pina simply sab na tubag nan isa)
long: kay labasera man nanay niiim.
-----------------
kun jaoy ijo gusto idugang,e email ra lamang sa
Sa ijo mga pangutana, ijo gusto e ambag, kun jaoy ijo tag hanap na tawo, pahibay-a lam kami tru sa email nato na:
or bisitahi ato friendster account
Annual Pastilan Christmas Party
PASTILAN invites U,NOBODY but U and all CarCanMadCarLanon to a Christmas Party Double up! Saturday, December 12, 2009, 8pm. Free Entrance
Venue; Opisina ni TITA Connie Dy. Elevation building. 40 dominguez st. Malibay, Pasay City. At the bak of T.Paez elementary school. suyod sa rodriguez st.along edsa nouthbound 200mtrs from MRT taft station in front of cathay builders building. pls contact mr.ben tantoy pag ya kamo maka matok.
Uno na?!?
Madugay dugay naman gajud anhi wayay balita, way na post dinhi. Umay latest na?
Hala sug-dan ta dinhi. Nan niagi matud na domingo nagpa tawag nan meeting sa headquarters. Medyo di gajud kun amoy hamok an nanunga pero sakto na gihapon an bilang para kasug-dan an pulong.
Una na agenda an update sa ato pondo. Sa pagka kuman matud sobra P23,000 an ato kwarta. Tagka sabotan sab na total ya pa may kagamitan nan kwarta, nan April 2008, kay waya man lagi madajun an paduwa na basketball o UNITY CUP. Tagpa tanto sa mga membro an kwarta o tagpa utang. With 2,000 pesos as limit sa mangutang na membro sanan may 4 percent sab na interes kada buyan. Bale 16,000 pesos gihapon napa utang. So dako-dako na sab an tubo na ato masukot nan ini.
Ika duha na agenda an pag elect sa mga bag-o na officers para sa tuig 2008. Sa mga officers nan niagi na tuig, may iban siguro na amora gihapon an position. So sa umaabot na Christmas party, e dungan na sab an oath taking haud ra gihap nan sauna.
Ika tuyo na tag istoryahan an mga plano nan niagi na waya madajun. Basin kuman Decembre kun maka uli an kadaghanan sa Pastilan sa ato uno pa gajud na di nato mahimo jaon diba? Serbisyo Publiko anay sa ato diba?
Nahala amora adto. Sa sunod na isab. mag update ta ra pastilan.
Sajo sa buntag, man mata na kami. mag sag-ob tubig sa ubos, mamilo nan hinigdaan, mag lampaso, an mo duty sa trabaho mag-una na. An iban nag digamo na nan pamahawon, an isa tagsugo nagpalit jaman para sa kinilaw, an isa nagpa-igo nan garabo sa bas-oy sanan an isa nag hanap nan tangyad sa tinuya. An iban nag hapla ra naghuyat nan tawag pamahaw.
Hala mangaon na kita. Jaon nay amo kinilaw, tinuya, bas-oy. Pangabusog, ija ija buyag sa lamisa, an mabilin man hugas.
Pagka duyom, gikan sa mga tagsa tagsa ka panaw, nagkita kita na sab kami. Isturyahay nan mga nahimo sa kuman na adlaw. Bayos bayos isturya sa mga na agihan, unoy nahitabo sa ila panaw. an isa molaong “Ok na an ako application, US Visa rakan” an isa “Ay ay di nako mobalik, ka koti kotihon na mag interbyohay”, an isa, “Larga nako sunod buyan”, an isa pa “Ay-ay, imbis daug na, ingka baslan pa gajud”. Mintras nag isturyahay, naka order ra gajud kan andoy nan pan inom lamang, para dili ma aya mag isturyahay.
Pagka abot na nan katuygonon, ija ija na sab hapla sa banig. An ya pa hupasi nan kabusog, namanaw kay mangita sila adto sa atbang nan tyanggehan. An iban adto pa check attendance kan sir patrick complexor. Abtan sila nan kaadlawon na, manguli may nay sab ila daya na bas-ojonon. Man mata na sab kami pag abot nila diri mag luto na isab.
Sa barko, welcome kamo tanan. Gikan sa ato, way kapanikan. Pagpa kilaya lamang kanin-o kaw bata, sin-oy lolo mo. Hala dajun! Kun magka lisod, dyagan ka madam pepot, kay 24hours an banking service. Ajaw na kan doctor kay malisod na. Kun gutomon way masud-an, hala kay jatoy bihag na tagpa abot, isahay manok pa ni pacquiao, basin kalikitan ta. Kun jaoy mag sumbag dimo sa ubos o sa unahan kanto, hala, panik lamang, tago sa kwarto.
Sa barko, isa ra an amo kinabuhi. One for all. May problema an isa, problema nan tanan. Tag gutom an isa, tag gutom an tanan. Tag-uhaw kaw, pa lista lamang ka mang kiko, c/o pepot. Kun madajun kaw sa imo byahe, hala ayo-ayo, ajaw ka amnesia kun maka larga na. Para sa tanan. Pastilan!
A tribute to anhin “ADOL LORIA”.
by Mr. Ben
at the CENADU BAR, (hobbies of asia) Macapagal Ave. Pasay City.
PARTY PEOPLE!!! Pictures taken during the 1st pastilan christmas party. Nan rampa an mga bisita na pem-pem. mabibo, mabayong.
TINAGAJAY ta KUMAN…
TiNABANGAY ta SILOM…
PASTILAN
